Bugun, 16 aprel kuni soat 17:00 larda Buxoro viloyatida haydovchisi bilan cho`kayotgan Matiz rusumli avtomobil post patrul xizmati xodimlari tomonidan qutqarib qolindi. Bu haqda IIV Matbuot xizmati ma`lum qildi.
Xabar qilinishicha, Gulchorbog` mahallasidan oqib o`tuvchi kanalga Matiz rusumli davlat raqami 80A508QA bo`lgan avtomashina, haydovchining ehtiyotsizligi sabab tushib ketib, oqib ketayotganligini ko`rgan, Buxoro shahar 4-son IIB ma`muriy hududida xizmat olib borayotgan, Buxoro viloyati Ichki ishlar boshqarmasi Patrul post xizmati va jamoat tartibini saqlash boshqarmasi, PPX bataloni 3-otryad xaydovchi xodimi safdor Sayidov Axmadjon Azimovich xamda ushbu batalon 4-otryad xodimi safdor Abdullaev Nodirbek Ne`matovichlar zudlik bilan o`zini suvga tashlab, suvda oqayotgan haydovchining hayotini qutqarib qolib, avtomashinani suvdan chiqarish choralarini ko`rganlar.
Hayoti qutqarib qolingan haydovchining shaxsiga oydinlik kiritilganda aniqlanishicha, u 1983 yilda tug`ilgan, Buxoro shahrida istiqomat qiluvchi, ikkinchi guruh nogironi Raxmatov Komil Temirovich ekanligi ma`lum bo`lgan.
