Toshkentning Yakkasaroy tumanidagi sintepon ishlab chiqarish sexida yong`in sodir bo`ldi, deb xabar beradi FVV matbuot xizmati.
Ma`lum qilinishicha, 18 aprel kuni soat 20:46 da tumanning Qushbegi massivida joylashgan sintepon ishlab chiqarish sexida yong`in sodir bo`lgani to`g`risida xabar Favqulodda vaziyatlar vazirligining navbatchilik qismiga kelib tushgan.
Voqea joyiga Toshkent shahar Favqulodda vaziyatlar boshqarmasining 10 ga yaqin yong`in-qutqaruv ekipajlari etib borgan. Soat 21:21 da yong`in qurshab olinib, 21:41 da to`liq o`chirilgan. Yong`in natijasida jabrlanganlar yo`q.
