“ArMI” xalqaro o`yinlarida bu yil O`zbekiston 24 ta yo`nalishdagi musobaqalarda ishtirok etishi rejalashtirilmoqda. Ularning 2 tasi “Harbiy-tibbiy estafeta” va “Dala oshxonasi” musobaqalari – yurtimizda (Jizzax viloyatidagi “Forish” tog` dala o`quv maydonida) bo`lib o`tadi. Bu haqda Darakchi.uz muxbiri xabar bermoqda.
2020 yilda O`zbekiston Respublikasi Mudofaa vazirligi jamoasi 16 ta yo`nalishdagi musobaqalarda ishtirok etib, 14 ta sovrinli o`rinlarni egallagan edi va yakunda 32 ta davlat o`rtasida faxrli 3-o`ringa sazovor bo`ldi. Jamoa a`zolari umumiy hisobda 9 rekordni qayd etishdi. Musobaqalarda 3 ta
1-o`rin (“Sodiq do`st”, “Yo`l patruli”, “Harbiy-tibbiy estafeta” ), 8 ta 2-o`rin (“Xavfsiz marshrut”, “Elbruss xalqasi”, “Otliq marafon”, “Qurolsoz usta”, “Qo`shinlar razvedka a`lochisi”, “Artilleriya olovi ustasi”, “Merganlar marrasi”, “Harbiy ralli”), 3 ta 3-o`rin (“Dala oshxonasi”, “Xavfsiz muhit”, “Avtozirxli texnika ustasi”) qo`lga kiritildi
2021 yilda esa ilk marotaba yana 8 ta musobaqa :
- “Ishonchli qabul”;
- “Desantchi vzvodi”;
- “Armiya madaniyati”;
- “Qutb yulduzi”;
- “Muxandis formulasi”;
- “Armiya taktik o`qchisi”;
- “Professional mergan”;
- “Sayan yurishi” da Mudofaa vazirligi o`z jamoalari bilan qatnashishi ko`zda tutilmoqda.
Eslatib o`tamiz, 14-16 aprel kunlari Rossiya Federasiyasining “Ergakiy” tog` markazida 7 ta davlat – Rossiya Federasiyasi, Xitoy Xalq Respublikasi, O`zbekiston Respublikasi, Abxaziya Respublikasi, Janubiy Osetiya Respublikasi, Tojikiston Respublikasi va Qirg`iziston Respublikasi jamoalari ishtirokida bo`lib o`tgan “ArMI” o`yinlarining “Sayan yurishi” musobaqasida Mudofaa jamoalari faxrli III-o`ringa sazovor bo`lib qaytdi.
Dilbar ABDUNABIEVA
