Turkmanistonda COVID-19 kasalligi hali aniqlanmagan, dedi Prezident Gurbanguli Berdimuhamedov "Mir" teleradiokompaniyasiga bergan intervyusida. Bu haqda Интерфакс ma'lum qildi.
"COVID-19 tahdidi paydo bo`lgan birinchi kunlardan boshlab biz koronavirusga qarshi kurashning tashkiliy, huquqiy, moliyaviy, iqtisodiy, sanitariya-epidemiologiya, tibbiy va karantin tadbirlari majmuini nazarda tutadigan yagona milliy strategiyasini shakllantirdik va tayyorladik. ", — deydi "Neytralny Turkmenistan" gazetasi.
Shuningdek, Berdimuhamedov quyidagilarni ta`kidlab o`tdi:
"Biz COVID-19 paydo bo`lganidan beri ko`rilgan birinchi chora-tadbirlar qatorida chegara, migrasiya va bojxonada nazorat rejimlarini bosqichma-bosqich kuchaytirdik. Shu bilan birga, vaziyat ob`ektiv ravishda belgilab qo`yilgan, Turkmaniston va xorijiy davlatlar o`rtasida havo aloqasi cheklangan."
"Shu bilan birga, mamlakatimizda aholini umumiy tibbiy ko`rikdan o`tkazish ishlari olib borilmoqda va odamlarning immunitet holatini yaxshilash bo`yicha samarali choralar ko`rilmoqda", dedi Turkmaniston rahbari.
Turkmanistonning rasmiy idoralari COVID-19 yuqtirish holatlari mavjudligini tasdiqlamagan bo`lsalar-da, mamlakatda koronavirus tarqalishining oldini olish maqsadida niqobli rejim amal qilmoqda va chet el reyslari to`xtatildi. JSST ilgari mamlakatda pnevmoniya holatlarining ko`payishi to`g`risidagi ma`lumotlardan xavotir bildirgan va hukumatga COVID-19 allaqachon butun mamlakat bo`ylab tarqalib ketgandek chora ko`rishni tavsiya qilgan.
Risolat MAXSIMOVA tayyorladi
