Bugun 14 iyun kuni soat 22:00 dan 15 iyun 18:00 ga qadar Toshkent shahrining Uchtepa tumanidagi 14-mavze hamda qisman 15-mavzeda joylashgan 44 ta ko`p kvartirali uylar, 3 ta maktabgacha ta`lim muassasi va 4 ta ma`muriy binolarda issiq suv ta`minotida vaqtinchalik o`chishlar kuzatiladi. Bu haqda “TOSHISSIQQUVVATI” DUK matbuot xizmati xabar berdi.
Xabarda aytilishicha, bu kabi choralar tumanning Lutfiy ko`chasidan o`tuvchi Di 800 mm magistral issiqlik tarmog`ida 74 metr eskirgan issiqlik quvurlarini almashtirish ishlari bilan bog`liq. Ayni damda, Uchtepa tuman issiqlik ta`minoti toshqarmasi ishchi-xodimlari tomonidan ta`mirlash ishlari olib borilmoqda.
