Tokio-2020 Paralimpiya o`yinlariga yo`llanma olganlar taqdirlandi

Bu haqda Turizm va sport vazirligi xabar bermoqda. Ma`lum bo`lishicha, kuni kecha Toshkent viloyati Bo`stonlik tumanida joylashgan so`lim “Bildirsoy” oromgohida navbatdagi o`quv-mashg`ulot yig`inini o`tkazayotgan Tokio-2020 yozgi Paralimpiya o`yinlariga lisenziyalarni qo`lga kiritgan para dzyudo hamda para pauerliftingchilar va ularning trenerlari taqdirlandi.

Ushbu marosimda O`zbekiston Milliy Olimpiya qo`mitasi raisi Rustam Shoabdurahmonov hamda O`zbekiston Milliy paralimpiya qo`mitasi raisi Muxtorxon Tashxodjayev ishtirok etdi.

Unda XVI yozgi Paralimpiya o`yinlariga lisenziya qo`lga kiritgan sportchilarga 100 million so`m, ularning trenerlariga 50 million so`m miqdorida bir martalik pul mukofotlarining sertifikatlari topshirildi.

Paralimpiyachilar nomidan so`zga chiqqan Uchqun Quranbayev, Dovurxon Karomatov, Farhod Umrzoqov, Sevinch Salayeva, Vasila Aliboyeva va boshqalar davlatimiz tomonidan ko`rsatilayotgan yuksak e`tibordan minnatdorligini bildirishib, Paralimpiya o`yinlarida bor kuch va salohiyatini ishga solgan holda yuqori natijalar ko`rsatishga va`da bergan.

Tokio-2020 Paralimpiya o`yinlariga yo`llanma olgan para dzyudochilar:

Erkaklar bo`yicha:

-60 kg: Sherzod Namozov,

-66 kg: Uchqun Quronboyev,

-73 kg: Feruz Sayidov,

-81 kg: Dovurxon Karomatov,

-90 kg: Shuhrat Boboyev,

-100 kg: Sharif Xalilov,

+100 kg: Shirin Sharipov,

Ayollar bo`yicha:

-48 kg: Lobar Xurramova,

-52 kg: Sevinch Salayeva,

-58 kg: Parvina Samandarova,

-63 kg: Nafisa Sheripboyeva,

-70 kg: Vasila Aliboyeva.

Tokio-2020 Paralimpiya o`yinlariga yo`llanma olgan para pauerliftingchilar esa:

-61 kg: Ro`za Qo`ziyeva,

-88 kg: Farhod Umrzoqov,

-107 kg: Nuriddin Davlatov