Kinematografiya agentligi buyurtmasiga binoan “Hujjatli va xronikal filmlar kinostudiyasi” DUK tomonidan yangi “Baxtim shul – o`zbekning Zulfiyasiman” hujjatli filmi suratga olinmoqda. Bu haqda Kinematografiya agentligi Axborot xizmati xabar bermoqda.
Mazkur film O`zbekiston xalq shoiri Zulfiya hayoti va ijodiga bag`ishlangan bo`lib, unda shoiraning hayotlik chog`idagi turli voqealar tasvirlangan. Shuningdek, kinokartinada adibaning she`riy misralaridan foydalaniladi.
“Baxtim shul – o`zbekning Zulfiyasiman” hujjatli filmida Zulfiya obrazida 3 davr ko`rsatiladi. Uning bolaligini Anisa Mansurova, yoshlik paytlarini Shahnoza Hojimurodova, katta yoshdagi davrini esa O`zbekistonda xizmat ko`rsatgan artist Lola Eltoeva ijro etmoqda.
Ssenariy muallifi Shuhrat Rizaev, rejissyor Navro`za Biynazova, operator Aziz Arziqulov, kompozitor Jamshid Izamov, rassom Sojida Hasanova, prodyuser Ahmad Unarboev.