Mudofaa vazirligi otaliqqa olgan Toshkent viloyati Oqqo`rg`on tumanida tug`ilgan, 20 yoshli Maftuna O`sarova 2021 yil 2 avgust kuni Germaniyaning “ASKLEPIOS” zamonaviy klinikasiga davolanishga yuborildi.
2016 yilda Maftuna dunyoda juda kam uchraydigan “takayasu sindromi”, ya`ni magistral qon tomirlari torayishi oqibatida insultga chalinadi va birinchi darajali nogiron bo`lib qoladi.
Xabarlarga ko`ra, hozirda Maftuna O`sarova Mudofaa vazirligi tashabbusi bilan Germaniyaning “ASKLEPIOS” klinikasida 3 kun davomida ixtisoslashtirilgan tekshiruvlardan o`tkazilib, intensiv davolash-sog`lomlashtirish muolajalarini olmoqda.
Mudofaa vazirligi doimiy ravishda Germaniya klinikasi mutaxassislaridan davolash jarayonlarini o`rganib, nazorat qilib bormoqda.
Ayni paytda Maftuna O`sarovaning sog`ligi yaxshilanib borayotganligi aytilmoqda.
