“Chelsi” jamoasi hujumchisi Diego Kosta mavsum yakunida “Atletiko”ga qaytib ketishga rozilik berdi. Bu haqda Sky Sports’ga tayangan holda championat.com xabar bermoqda.
Kelib chiqishi braziliyalik bo`lgan ispaniyalik futbolchining rozi bo`lganiga qaramay, klublar o`zaro kelishuvga kelmagan. “Matraschilar” sobiq futbolchisini ortga qaytarishi mumkinligini inkor etishmadi. Biroq London klubi Kostani qo`yib yuborish niyatida emasligini bildirdi.
Avvalroq “Atletiko” bosh murabbiyi Diego Simeone Mauro Ikardi (“Inter”), Gonsalo Iguain (“Napoli”) va Edinson Kavani (“PSJ”) singari hujumchilarning variantini ham ko`rib chiqayotgani ma`lum bo`lgandi.
Eslatib o`tamiz, Diego Kosta 2010-2014 yillar davomida “Atletiko” sharafini himoya qilgan.
