Buxorodan "Kelajak liderlari" klubining rasmiy ochilish marosimi bo`lib o`tdi. Endi ular davlat xizmatidagi rahbarlarga dublyor bo`lishlari mumkin. Bu haqda makzur tadbirda ishtirok etgan Buxoro viloyati hokimi Botir Zaripov aytib o`tdi.
Botir Zaripov,
Buxoro viloyati hokimi:
Bu tadbirda ishtirok etayotgan yoshlar vatan va millat uchun daxldorlik estafetasini qo`limizdan olib, yurtimiz, viloyatimiz rivoji va taraqqiyoti, turmushimiz farovonligi uchun munosib xizmat qiladigan kadrlar bo`lib etishadi.
Buxoroda ham yuqori saviyada tashkil etilgan "Kelajak liderlari" klubining rasmiy ochilish marosimi tom ma`noda yoshlarning hayotida yangi sahifa ochdi. Endi ular davlat xizmatidagi rahbarlarga dublyor bo`ladi, turli sohalarda tajribasini oshiradi, xalq bilan bevosita ishlaydi, xorijiy tillarni bilish ko`nikmasini rivojlantiradi. Bir so`z bilan aytganda, xalqining farovonligi uchun bor imkoniyatini yo`naltirishga qodir zaxira kadrlar sifatida shakllanadi.
