Tashqi mehnat migrasiyasi agentligi hamda Rossiya Federasiyasining “Kamaz” ochiq aksiyadorlik jamiyati o`rtasida imzolangan hamkorlik kelishuvi asosida o`tkazilgan tanlov jarayonlaridan muvaffaqiyatli o`tib, tibbiy ko`rik natijalari ijobiy chiqqan 100 nafar o`zbekistonliklar yuk avtomobillarini ishlab chiqarish korxonasiga vaqtinchalik mehnat faoliyatini amalga oshirish uchun tashkillashtirilgan holda jo`natildi.
Namangan xalqaro aeroporti orqali vaqtinchalik mehnat faoliyatini amalga oshirish uchun ketayotgan fuqarolar bilan targ`ibot ishlari olib borilib, sohaga oid buklet, tarqatma materiallar berildi.
Ma`lumot uchun, ish beruvchi tomonidan fuqarolarimizga avia chipta, yotoqxona xarajatlari qoplab beriladi va Rossiya hududida ishlash xuquqini beruvchi hujjat rasmiylashtirish, oziq-ovqat to`lovlari ish xaqidan qisman ushlash sharti bilan amalga oshiriladi.
