Jizzax viloyati, Zomin tumanida YPX xodimlari tomonidan "Lacetti" rusumli avtomobil to`xtatilganda, rul boshqaruvidan 13 yoshli, 7-sinfda o`qiydigan bola tushib keldi. Holat yuzasidan YHXB ma`lumot berdi.
Avtomobil salonida ushbu bolaning ukasi va singlisi ham birga kelmoqda.
YPX xodimi "Ota-onangizni xabari bormi avtomobil boshqarganingiz haqida?" - deb bergan savoliga bola - "Ha, xabarlari bor, o`zimizni ko`chada bir yildan beri boshqarib yuraman" - deya javob qaytargan.
Mazkur holat yuzasidan tegishli hujjatlar rasmiylashtirilib, avtomobil vaqtincha saqlash uchun jarima maydoniga joylashtirilgan.
