Жиззах вилояти, Зомин туманида ЙПХ ходимлари томонидан "Lacetti" русумли автомобиль тўхтатилганда, руль бошқарувидан 13 ёшли, 7-синфда ўқийдиган бола тушиб келди. Ҳолат юзасидан ЙҲХБ маълумот берди.
Автомобиль салонида ушбу боланинг укаси ва синглиси ҳам бирга келмоқда.
ЙПХ ходими "Ота-онангизни хабари борми автомобиль бошқарганингиз ҳақида?" - деб берган саволига бола - "Ҳа, хабарлари бор, ўзимизни кўчада бир йилдан бери бошқариб юраман" - дея жавоб қайтарган.
Мазкур ҳолат юзасидан тегишли ҳужжатлар расмийлаштирилиб, автомобиль вақтинча сақлаш учун жарима майдонига жойлаштирилган.
