Hozirgina Toshkent xalqaro aeroportiga 1 200 000 dozadan ortiq Pfizer/BioNTech vaksinasi yuklangan samolyot kelib qo`ndi, deya tezkor xabar taqdim etmoqda Sog`liqni saqlash vazirligi Matbuot xizmati.
Eslatb o`tamiz, bundan avvalroq yurtimizdagi vaksinasiya jarayonlarida foydalanish uchun yangi turdagi vaksina olib kelinishi haqida xabar berilgan edi.
Ayni paytda O`zbekistonda ZF-UZ-VAC2001, AstraZeneca, "Sputnik V" va Moderna vaksinalaridan foydalanilmoqda. Pfizer/BioNTech vaksinasi yurtimizga qo`llanilayotgan 5-vaksina bo`ldi.
Shunday qilib, yurtimizga keltirilgan jami vaksina 24 002 540 dozani tashkil qilmoqda.
Ulardan:
-1 342 480 dozasi AstraZeneca,
-18 000 000 million dozasi ZF-UZ-VAC2001,
-460 000 dozasi "Sputnik V",
- 3 000 060 dozasi Moderna,
- 1 200 000 dozasi Pfizer/BioNTech vaksinasidir.
Ayni kungacha mamlakatimizda jami 16 861 167 doza vaksinadan foydalanilib, to`liq emlangan fuqarolar 3 121 019 nafarni tashkil qilmoqda.
