Toshkent metropolitenidagi bekatlardan birida poezd eshigida nosozlik aniqlandi. Bu haqda “Toshkent metropoliteni” UK xabar bermoqda.
Bugun, 22 sentyabr kuni soat 08:37da Chilonzor yo`lining “Xalqlar do`stligi” bekatida 13-yo`nalishdagi harakat tarkibining 2-vagonidagi 4-eshik texnik nosozlik tufayli yopilmay qolgan.
Qayd etilishicha, harakat xavfsizligini ta`minlash maqsadida yo`lovchilar ushbu poezddan tushirilgan. Ortdan kelayotgan 5-yo`nalishdagi harakat tarkibi bir daqiqada etib kelib yo`lovchilarni olib ketgan.
“Toshkent metropoliteni” DUK keltirilgan noqulayliklar uchun yo`lovchilardan uzr so`ramoqda.
