Germaniyaning “Bavariya” jamoasi posboni Manuel Noyer myunxenliklar bilan yangi shartnoma imzoladi, bu haqda klub rasmiy sayti xabar bermoqda.
30 yoshli germaniyalik darvozabon "Bavariya" bilan kelishuvni 2021 yilga qadar uzaytirdi.
Eslatib o`tamiz, Manuel Noyer “Bavariya” bilan uch karra Germaniya chempioni bo`lgan va to`rtinchisiga juda yaqin kelmoqda. Bundan tashqari, Noyer myunxenliklar bilan ikki marta Germaniya Kubogi, bir martadan Chempionlar ligasi, UEFA Superkubogi va klublar o`rtasidagi jahon chempionati g`olibligini qo`lga kiritishga muvaffaq bo`lgan.
Shuningdek, Manuel Noyer 2014 yilda Germaniya termasi safida Jahon chempioni bo`lgan. 2010 yilda jahon chempionati 2012 yilda Evropa chempionati bronza medallariga sazovor bo`lgandi.
