O`zbekiston Fanlar akademiyasi Matematika instituti direktor o`rinbosari, professor O`tkir Roziqov «Elsevier» nashriyoti va Stendford universiteti tomonidan e`lon qilingan dunyoning Top 2% olimlari ro`yxatidan joy oldi.
O`zFA ma`lumotiga ko`ra, e`lon qilingan ma`lumotlar bazasida iqtiboslar soni, maqolalarga havolalar, h-index bo`yicha standartlashtirilgan ma`lumotlar taqdim etilgan. Ushbu mezonlar asosida dunyoning Top 2% olimlari ro`yxati shakllantirilgan.
Professor O`tkir Roziqov matematik tahlil, algebra va ehtimollar nazariyasining zamonaviy usullarini rivojlantirishda yuksak natijalarga erishgan o`zbek olimlaridan biri hisoblanadi.