Bugun kunduz kuni respublika hududi bo`yicha yog`ingarchiliksiz ob-havo bo`lishi kutilmoqda. Kunning o`rtasiga kelib, havo 10-13° iliqgacha isiydi. Bu haqda O`zgidromet xabar berdi.
16 noyabrda O`zbekistonning shimoliy hududlariga, 17-18 noyabrda respublikaning barcha hududiga Volga bo`yi orqali Rossiyaning Evropa hududi (Moskva viloyati) ustida shakllangan nam va sovuq havo massasi kirib keladi.
16-17 noyabrda respublika bo`yicha shamol tezligi 17-22 m/s gacha kuchayishi kutilmoqda, ba`zida 25-28 m/s gacha kuchayishi mumkin, ba`zi joylarda changli bo`ron bo`ladi.
16 noyabrda O`zbekiston hududining katta qismida havo harorati 13-18° iliq bo`lgan quruq va iliq ob-havo saqlanib turadi. Faqat Qoraqalpog`istonda, Xorazm viloyatida asosan qor ko`rinishidagi yog`ingarchilik bo`ladi va harorat 2-5° iliqgacha pasayadi.
17 noyabrda O`zbekistonning barcha hududlarida yomg`ir ko`rinishidagi yog`ingarchilik bo`ladi, qorga aylanadi, tog` oldi va tog`li hududlarda ba`zi joylarda kuchli bo`ladi. Harorat kechasi va kunduzi 0-5° iliqgacha, shimolda kechasi 5-8° sovuqgacha, kunduz kuni 0-3° sovuqgacha pasayadi.
18-19 noyabrda O`zbekiston hududi bo`yicha yog`ingarchilik kutilmaydi, faqat respublikaning tog`li hududlarida 18 noyabrda qor ko`rinishidagi yog`ingarchilik saqlanib turadi. Harorat kechalari 5-8° sovuqgacha, shimolda 12-15° sovuqgacha pasayadi, kunduz kunlari 0-5° iliq, shimolda 0-3° sovuq atrofida saqlanib turadi.
