"Lester" klubi hujumchisi Jeymi Vardi APL 36-turida "MYu"ga qarshi uchrashuvni o`tkazib yuboradi.
The Telegraph nashrining xabar berishicha, Angliya futbol assosiasiyasi Vardining diskvalifikasiyasini yana bir o`yinga cho`zishga qaror qildi. 29 yoshli hujumchi “Vest Xem”ga qarshi (2:2) Angliya chempionati 34-turida qizil kartochka olganidan so`ng hakamni haqoratomuz so`zlar bilan chaqirgan edi.
Shuningdek, Vardi 10 ming funt sterling miqdorida jarima to`lashi kerak bo`ladi. Agar “Lester” “MYu”ga qarshi o`yinda g`alaba qozonsa, Angliya chempioniga aylanadi.
