Markaziy bankda Rossiya banki raisining o`rinbosari Mixail Alekseev bilan uchrashuv bo`lib o`tdi.
Uchrashuv davomida mehmon so`nggi yillarda Rossiya Federasiyasida pul muomalasining asosiy ko`rsatkichlarini taqdim etdi. Xususan, Rossiyada chiqarilayotgan pul mablag`lari va tangalar soni yil sayin ortib borayotgani qayd etildi.
Shu bilan birga, M.Alekseev O`zbekiston Respublikasi Markaziy bankining pul belgilarini muomalaga chiqarish borasidagi yutuqlarini alohida ta`kidlab, mavjud kupyuralar dizaynini yuqori baholadi.
Muloqot yakunida tomonlar muhokama qilingan masalalar yuzasidan tajriba almashishdan manfaatdor ekanliklarini bildirdilar.
