AQShning kasalliklarni nazorat va profilaktika qilish Federal Markazi tomonidan 12 yoshdan 15 yoshgacha bo`lgan o`smirlarda koronavirusga qarshi Pfizer va BioNTech kompaniyalarining buster vaksinalarini qo`llash tavsiya etildi.
Ma`lum qilinishicha, avval tavsiya faqat 16-17 yoshdagi o`smirlarga tegishli edi.
«CDC 12 yoshdan 17 yoshgacha bo`lgan o`smirlarga Pfizer/BioNTech vaksinalarining to`liq kursini olgandan besh oy o`tgach qayta emlanish o`tishni tavsiya etmoqda».
CDC ma`lumotlari shuni ko`rsatmoqdaki, COVID-19'ga qarshi busterlar yangi «Omikron» shtammi va SARS-CoV-2'ning boshqa variantlariga qarshi himoyani kuchaytiradi.⠀
Markazlar o`smirlarga 25 milliondan ortiq doza yuborganlaridan keyin shunday xulosaga kelishdi.
