Samarqandda Prezident Shavkat Mirziyoev ishtirokida bo`lib o`tayotgan yig`ilishda bir qator mansabdor shaxslar, sektor rahbarlari xizmat faoliyatidagi kamchiliklari uchun lavozimlaridan chetlatilmoqda. Bu haqda Darakchi.uz jurnalisti xabar berdi.
Jumladan, Markaziy bankning Samarqand viloyati Bosh boshqarmasi boshlig`i Otabek To`xtaevning ishdan olish topshirig`i berildi.
Bundan tashqari faoliyatida jiddiy xato va kamchiliklarga yo`l qo`ygani uchun:
- Samarqand tumani hokimi N.Mavlonov;
- Nurobod tumani hokimi F.Zairov;
- Markaziy bankning viloyat boshqarmasi rahbari O.To`xtaev,
- Oqdaryo tumani prokurori D.Kubaev;
- Samarqand shahri, Samarqand va Oqdaryo tumanlari ichki ishlar bo`limlari boshliqlari J.Qodirov, F.Gafarov va D.Ibragimov;
- Urgut va Payariq tumanlari davlat soliq inspeksiyalari boshliqlari A.Almazov va M.Ergashev;
- viloyat elektr tarmoqlari korxonasi rahbari G`.Mamatqulov ishdan olindi.
Ularning ba`zilariga nisbatan to`plangan, shu jumladan korrupsiya holatlari to`g`risidagi ma`lumotlar asosida jinoiy ish ochish masalasi o`rganib chiqiladi.
