Andijon shahrida uy-joy sotib olish uchun subsidiya ajratilishiga yordam bermoqchi bo`lgan ish yurituvchi ushlandi. Bu haqda Bosh prokuratura huzuridagi Departament xabar qildi.
Departamentning Andijon viloyati boshqarmasi tomonidan IIB bilan o`tkazilgan tezkor tadbirda, Andijon shahar uy-joy fondlarini boshqarish, davlat orderi va ma`lumotnomalar berish markazi DUKning g`aznachi ish yurituvchisi M.Sh. fuqaro M.ga Andijon shahrida yangi qurilayotgan arzon uy-joylardan birini sotib olish uchun subsidiya mablag`i ajratilishida tanishlari orqali yordam berish evaziga 800 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo`zg`atilib, tergov harakatlari o`tkazilmoqda.