Tashqi mehnat migrasiyasi agentligi Germaniyaning “NoVo Agency” tashkiloti bilan hamkorlikda ushbu davlatda hamshira vazifasida ishlash istagini bildirgan fuqarolar uchun Buxoro shahrida bepul nemis tili kurslarini taklif etadi.
O`quv kursi tinglovchilariga:
- o`quv materiallari bepul taqdim etiladi;
- til darajasi uchun Toshkentdagi Gyote institutida imtihon topshirish xarajatlari qoplab beriladi.
Nomzodlarga talablar:
- 39 yoshdan oshmagan bo`lishi;
- tibbiyot sohasida 2 yillik doimiy ish tajribasiga ega bo`lishi;
- tibbiyot kolleji/texnikumini (3 yillik diplom) yoki tibbiyot institutining “Oliy hamshiralik” yo`nalishini (bakalavr diplomi yuqori baholanadi) tugatgan bo`lishi;
- bemorlarga g`amxo`rlik qilish qobiliyatiga ega bo`lishi;
- tashkil etiladigan nemis tili kurslarida 10 oy davomida ishtirok etishi;
- kurslarda qatnashayotgan vaqtda mehnat faoliyati bilan shug`ullanmasligi;
- Gyote instituti imtihonlaridan muvaffaqiyatli o`tishi.
Shuningdek, “NoVo Agency” tashkiloti va nomzodlar o`rtasida tegishli shartnoma imzolanadi.
