Namanganda fuqarolarni xorijga noqonuniy ishga jalb qilish holatiga chek qo`yildi. Bu haqda Tashqi mehnat migrasiyasi agentligi Matbuot xizmati xabar bermoqda.
Ma`lum qilinishicha, Namangan shahar IIOFMB va Tashqi mehnat migrasiyasi agentligi Namangan viloyati filiali hamkorligida o`tkazilgan tadbirda Farg`ona shahrida ro`yxatdan o`tgan konsalting xizmati markazi tomonidan Namangan shahridagi mehmonxonalardan birida fuqarolarni xorijga ishga jo`natish faoliyati bilan noqonuniy shug`ullanib, tanlov tashkil etilgani ma`lum bo`ldi.
Hozirda mazkur holat yuzasidan Namangan shahar IIOFMB tomonidan surishtiruv ishlari olib borilmoqda.
"Xorijda ishga joylashtirish vakolatiga ega bo`lmagan tashkilotlar yoki shaxslarga ishonmaslikka, turli ko`rinishdagi shartnomalarni tuzmaslikka va to`lovlarni amalga oshirmaslikka chaqiramiz", - deyiladi xabarda.
