Xabar berganimizdek, Davlatimiz rahbari mahallalar hayoti, sanoat loyihalari bilan tanishish maqsadida Toshkent shahri Yangihayot tumanida bo`lib turibdi.
"Do`stlik" mahallasidagi ko`p qavatli uy devoriga chizilgan "Do`stlik ramzi" surati prezident Shavkat Mirziyoevning e`tiborini tortdi, deya xabar qilmoqda "Darakchi" muxbiri Sardorbek Rahmonqulov.
Mas`ullarga qarab rasmni ko`rsatgan prezident:
"Menga yoqadi. Nega hammayoqqa shunday qilmaysizlar? Shu rasm ham odamning kayfiyatiga ijobiy ta`sir qiladi", - dedi.
Toshkent shahar hokimi Jahongir Ortiqxo`jaev bu turdagi murallar (devoriy suratlar) shaharda ko`payayotganini ma`lum qildi.
