Ayni paytda prezident Shavkat Mirziyoev ishtirokida Sergeli va Yangi hayot tumanlari mahalla faollari, sektor rahbarlari bilan yig`ilish bo`lib o`tmoqda. Bu haqda "Darakchi" muxbiri Sardorbek Raxmonqulov xabar bermoqda. Uchrashuvda davlat rahbari er usti metrosi qurilishi haqida gapirdi.
"Biz 30 yil davomida metro qurishni unutib qo`ygandik. Yo`l quradigan mutaxassislarimiz boshqa joylarga ketib qolishdi. Bizda er osti bor edi. Lekin "er usti" degan ibora biz uchun yangilik", - dedi Prezident.
Shu erda Prezident Toshkentga nega tramvay qaytarilayotganiga izoh berdi.
"Samarqandga borganimizda Toshkentga tramvay qaytarilishini aytgan edik. Mana hozir butun dunyo "yashil iqtisodiyot"ga o`tyapti. Xavfsiz, ekologik toza transport ekani uchun ham tramvayni kaytarayotganimiz adolatdan deb o`ylayman. Men bugun dastlabki tramvay yo`llari loyihasini ko`rdim. Etti o`lchab bir kesib, marshrutlarni aniqlaymiz"- dedi davlat rahbari.
Tashrif davom etmoqda.
