Xabaringiz bor Prezident Shavkat Mirziyoev ayni paytda hududlar rivoji va aholi hayoti bilan tanishish maqsadida 23 fevral kuni Qoraqalpog`iston Respublikasida bo`lib turibdi.
Davlat rahbari qoraqalpog`istonlik mas`ullar bilan uchrashuvda Toshkentdan Qoraqalpog`istonga tibbiyot xodimlarini jalb qilish haqida gapirdi. Bu haqda Darakchi.uz jurnalisti xabar bermoqda.
— Agar Toshkentdan tibbiyot sohasi vakillari Qoraqalpog`istonga kelib ishlasa, ularning oylik maoshiga 100 foiz ustama haq to`laymiz. Agar Mo`ynoqqa kelib ishlasa ustama, ikki baravar bo`ladi, — dedi Prezident.
Prezident bu yo`nalishda qaror ishlab chiqish bo`yicha topshiriq berdi.
