Buyuk Britaniya bosh vaziri Boris Jonson Rossiyaga qarshi yangi iqtisodiy sanksiyalarni e`lon qildi. Bu haqda u parlamentga ma`lum qildi, deya xabar bermoqda Sky News.
"Bu kuch bizga Rossiya banklarini Buyuk Britaniya moliya tizimidan butunlay chiqarib tashlashga imkon beradi. Ularni funt sterlingdan foydalanish va Buyuk Britaniya orqali to`lovlarni amalga oshirishdan mahrum qiladi. Hozirda Rossiya savdosining ma`lum qismi AQSh dollari va funt sterlingda amalga oshirilayotgani sababli, men Vakillar palatasiga AQSh ham xuddi shunday choralar ko`rayotgani haqida ma`lum qilishdan mamnunman", - dedi Jonson.
Jonsonning aytishicha, Rossiya fuqarolari Buyuk Britaniyadagi bank hisoblariga qo`yishi mumkin bo`lgan pul miqdorida cheklovlar bo`ladi.
Unga ko`ra, “Aeroflot” aviakompaniyalari Buyuk Britaniyaga parvozlarni taqiqlaydi, Rossiyaga sotiladigan uskunalarga nisbatan “qattiq eksport nazorati” joriy etiladi.
Buyuk Britaniya hukumati aktivlari 154 milliard funt sterlingni tashkil etuvchi VTB aktivlarini zudlik bilan muzlatib, Rossiyaning barcha yirik banklari aktivlarini muzlatish niyatida.
