Ukrainaning Axtirka shahrida yuz bergan otishma sabab Daniyalik ikki nafar jurnalist yaralandi. Ular Poltava kasalxonasiga yotqizildi, deya xabar bermoqda mamlakat Milliy polisiyasiga tayanib Interfaks-Ukrain axborot agentligi.
"Sumi viloyatida otishma chog`ida xorijlik jurnalistlar jarohat oldi. Ayni damda Daniya fuqarolariga Poltava viloyat klinik shifoxonasida zarur tibbiy yordam ko`rsatilmoqda", — deyiladi Milliy polisiyaning twitter'dagi sahifasida.
Qayd etilishicha, shifokorlar yaradorlarning ahvolini o`rtacha og`ir deb baholagan. Daniya elchixonasi vakillariga xorijlik jurnalistlarning ahvoli yuzasidan ma`lumot berilgani aytiladi.
