Rossiyalik qo`shiqchi Ani Lorakning turk tadbirkori Murot Nalchaji o`g`li bilan turmush qurganiga etti yil bo`ldi. Rossiya OAVlaridan biriga bergan intervyusida Ani Lorak turmush o`rtog`ini birinchi uchratgan kunidagi kabi sevishini bildirgan, deb xabar berdi “Woman.ru” nashri.
37 yoshli, Ani Lorak taxallusi bilan mashhur bo`lgan xonanda Karolina eri Murot Nalchaji o`g`li bilan baxtli turmushi sirini oshkor qildi.
Ani ayollarga erini hurmat qilishni, chin dilidan sevishni maslahat beradi: “Biz ayollar mehr bersak, mehr olamiz. Muhabbat kichkina uchqundan alangalanadi, u o`chib qolmasligi uchun tinimsiz o`tin qalab turishimiz kerak”.
“Erkak — ayol uchun Xudo darajasida, ayol esa erkak uchun taqdir in`omi bo`lishi lozim”, deydi Ani Lorak Teleprogramma.pro portaliga bergan intervyusida. U munosabatlarga putur etkazmaslik maqsadida doimo murosa qilishga harakat qiladi. Mabodo jahl ustida turmush o`rtog`iga qattiq gapirib qo`ysa, aybini yuvish maqsadida jilmayishga, qahva yoki biror mazali egulik tayyorlashga kirishadi. Xonandaning fikricha, ayol doimo o`ziga qarab yurishi, orasta va ozoda bo`lishi lozim. U uyda bo`lgan paytida ham sochini chiroyli turmaklab, engil pardoz qiladi, eriga chiroyli ko`rinishga intiladi.
Ani Lorakning bunday munosabatiga eri Murot ham munosib javob beradi. U rafiqasiga sovg`alar, syurprizlar hadya etishga intiladi. Xonanda gastrolga ketgan paytida har kuni qo`ng`iroq qilib, xabarlashib turadi, uni qo`llab-quvvatlaydi.
“Haqiqiy muhabbat uchun vaqtinchalik ayriliq uning gulxanini o`chirish uchun emas, balki alangalatish uchun xizmat qiladi, degan fikr menga juda yoqadi. Bizning oilamiz gulxani yolqinlanib turganidan judayam baxtliman. Unga o`tin tashlashdan to`xtamaymiz. Hayot o`zing va munosabatlar uchun ter to`kib mehnat qilishingni talab qiladi. Faqat mehnat qilishdan to`xtamaslik kerak”, deydi sevimli rafiqa va ona Ani Lorak.
Bu baxtli juftlikning besh yoshli Sofiya ismli qizalog`i bor. Ani Lorakning muxlislari uning yana bir farzandni dunyoga keltirishiga umid qilishadi.
23.08.2021, 16:08
Qishning qirovli kunlaridan eson-omon chiqib olgan Komiljon ota kenja farzandi Murodni (ism-shariflar o`zgartirilgan) uylash maqsadida to`y tayyorgarliklarini boshlab yubordi. Uzoq izlanishlardan so`ng qiz ham topildi. Biroq unashtiruv...01.06.2021, 18:32
So`nggi vaqtlarda ijtimoiy tarmoqlarda xotin-qizlarning tahqirlanishi, ayovsiz kaltaklanish holatlari aks etgan xabar va voqealar haqidagi chiqishlar keskin ortib ketdi. Ammo bu kabi vaziyatlar kechagina sodir...13.05.2021, 22:34
Farg`ona viloyati Marg`ilon shahrida 32 yashar ayol uyining tomorqasida ko`knori o`simligi etishtirayotgani aniqlandi, deya xabar bermoqda IIV matbuot xizmati.Qayd etilishicha, 2021 yilning 5 may kuni...13.12.2019, 10:00
Joriy yilning 5 dekabr kuni soat 13:00larda Navoiy shahrida yashovchi, 1974 yilda tug`ilgan L.A. ismli ayolning uyiga tanishlari mehmonga keladi.Ulardan biri 1972 yilda tug`ilgan D.K....