Mamlakatimiz Bosh konsulligi va «O`zto`qimachiliksanoat» uyushmasi ko`magida «SAWKELE» «Boutique Atelye», «IDEAL», «INDI FRI FASHION» brendi yosh dizaynerlarining Birlarshgan Arab Amirliklarining Dubay shahrida bo`lib o`tgan «International Fashion Week Dubai» modalar namoyishida ishtiroki tashkil etildi. Bu haqda Dunyo AA xabar berdi.
Shu yilning 17-19 mart kunlari o`tkazilgan xalqaro modalar namoyishida, shuningdek, AQSh, Italiya, Fransiya, Germaniya, Ruminiya, Shveysariya va BAA vakillari qatnashdi.
Tadbirda O`zbekiston vakillari maxsus taqdimot o`tkazdi. Unda mamlakatimizda Prezident Shavkat Mirziyoev rahbarligida amalga oshirilayotgan xalqchil islohotlar natijasida 12 yildan ortiq vaqt davomida amal qilib kelgan o`zbek paxtasiga qo`yilgan boykot «Cotton Campaign» xalqaro koalisiyasi tomonidan bekor qilingani alohida qayd etildi.
O`zbek matolaridan tikilgan liboslar namoyishi «International Fashion Week Dubai» modalar namoyishi ishtirokchilari va mehmonlariga juda manzur keldi.
Tadbir davomida ko`zgazma tashkilotchilari bilan bo`lib o`tgan muzokaralarda o`zbekistonlik yosh dizaynerlarning Dubayda bo`lib o`tadigan moda namoyishlarida muntazam ishtirokini ta`minlash bo`yicha kelishuvga erishildi.