Bugun Turkiyada dzyudo bo`yicha "Katta dubulg`a" musobaqasining birinchi kun bellashuvlari bo`lib o`tadi. Unda engil vazn toifasidagi vakillar medallar uchun kurashishadi. Bu haqda O`zbekiston Milliy Olimpiya Qo`mitasi xabar bermoqda.
Qur`a natijasiga ko`ra, bahslarga kirishadigan 7 nafar o`zbekistonlik quyidagi raqiblarga qarshi bellashuvni boshlashadi:
-60 kg: Dilshodbek Baratov – Mixrach Akkush (Turkiya);
-60 kg: Kemran Nurillaev – Angelo Pantano (Italiya);
-66 kg: Sardor Nurillaev– Uillis Garsiya (Venesuela);
-48 kg: Halimajon Qurbonova – Blandayn Pot (Fransiya);
-52 kg: Diyora Keldiyorova – Xsuan Lin Xsu (Xitoy Taipeyi);
-57 kg: Nilufar Ermaganbetova – Ya Ex (Xitoy Taipeyi);
-57 kg: Shukurjon Aminova – Xesret Bozkurt (Turkiya).
