Prezident raisligidagi videoselektor yig`ilishida mart oyida dunyo bo`yicha oziq-ovqat narxlari 2021 yilning mos davriga nisbatan 34 foizga oshgani qayd etildi.
Ta`kidlanishicha, yil boshidan jahon bozorlarida bug`doy narxi — 20 foiz, makkajo`xori — 19 foiz, ozuqa donlari — 20 foiz va o`simlik yog`i — 23 foizga ko`tarildi.
Joriy yilda yog`ingarchilik hisobiga, vodiy, Toshkent viloyati va Samarqandda suv zaxirasi 20 foizga ko`paygani bilan, Qoraqalpog`iston, Buxoro, Qashqadaryo, Surxondaryo, Xorazmda suv ta`minoti bo`yicha qiyinchiliklar bo`lishi aytildi.
2022 yilda 7,7 mln tonna bug`doy va 23 mln tonna meva-sabzavot etishtirib, 1,5 mlrd dollar eksportni ta`minlash zarur — Prezident
«Hozirgi kunda 80 ming gektar paxta va g`alla maydonlari qisqartirilib, 254 ming aholiga ochiq tanlov asosida berildi. Bu — oziq ovqat etishtirish uchun har bir tumanda qo`shimcha 500 gektar ekin maydoni, degani», — dedi davlatimiz rahbari.
Mutasaddilarga ikki hafta muddatda:
● hosildor urug` navlarini joylarga etkazib, dala yarmarkalarini o`tkazish;
● er maydonlarida «bir kontur — bir mahsulot» tamoyili asosida ekinlar ekishni tashkil qilish;
● mahsulotni kafolatli xarid qilish bo`yicha shartnomalar tuzish ishlarini jadal tashkil qilish topshirildi.
