Kobuldagi bir necha portlash oqibatida 25 kishi halok bo`ldi. Bu haqda Aamaj News agentligi xabar berdi, deya xabar bermoqda "Zamon"nashri.
Unga ko`ra, ayniqsa, shahar g`arbidagi Abdul Rahim maktabi yonidagi portlashlar oqibatida ko`p qurbon berilgan.
Kobul xavfsizlik idoralari vakili Xolid Zadronning so`zlariga ko`ra, shahar g`arbida jami 3 ta portlash qayd etilgan. Ularning barchasi ta`lim muassasalarida bo`lgan.
Agentlikning ta`kidlashicha, toliblar hodisaning OAVda yoritilishiga xalal bergan. Ular muxbirlar qo`lidan kameralarni tortib olgan.
