Eski me`morchilik an`analariga xos ishlanmalarga nazar tashlasak, madrasa xujralariga, saroy hovlilariga, umuman, tarixiy obidalarga kirish eshiklarini 1 metr atrofida qilib yasalganini ko`ramiz.
Bu ko`pchilikda "Nima uchun shunday?" degan haqli savol tug`ilishiga sabab bo`ladi.
Hammada har xil tahmin bo`lishi tabiiy. Turizm va madaniy meros vazirligi, Madaniy meros agentligi hamda Xorazm viloyati hokimligi tomonidan tashkil etilgan press-turimiz davomida ushbu savolga ham javob topishga urindik.
Foto: Sardorbek Usmoniy
O`tgan asrgacha bo`lgan davrda elektr-energiyasi, shu o`rinda, uylarni, xonalarni isitish-sovutish tizimi bo`lmaganligi uchun ichkaridagi haroratni mo``tadil saqlash maqsadida eshiklar kichik qilib ishlangan ekan.
Fizikadan ma`lumki, sovuq havo pastga, issiq harorat esa yuqoriga qarab ko`tariladi. Eshiklarning kichikligi esa mana shu aylanmani bir muncha ko`proq o`zida saqlab turadi va ichkaridagi harorat tashqariga tez chiqib ketmaydi.
Saroy hovlisidagi eshiklar-chi?
Ma`lum bo`lishicha, amir yoki xon davrlarida xonlarga tik turib murojaat qilish mumkin bo`lmagan. Shu sababdan, saroy hovlisiga salom va hurmat bilan kirilishini ta`minlash uchun eshiklar odam bo`yidan kichikroq qilib o`rnatilgan.
Foto: Sardorbek Usmoniy
Sardorbek Usmoniy
Avvalroq “Hey, voh”, ya`ni Xiva haqida afsona, haqiqat va qiziq faktlar bilan fotosayohat qilgan edik.
