Tashqi mehnat migrasiyasi agentligining Samara shahridagi vakolatxonasiga o`zbekistonlik mehnat migrantlaridan turli masalalarda murojaatlar kelib tushmoqda.
Shunday murojaatlarning birida yurtdoshlarimiz hujjatlarini ish beruvchidan olib berishni so`ragan.
Aniqlanishicha, yurtdoshlarimiz Samara viloyatida joylashgan "Skorpion" tashkilotida ishlash jarayonida ish beruvchi tomonidan 5 oy davomida pasportlari olib qo`yilib, berilmagan. Shuningdek, ish beruvchi yurtdoshlarimizni qarzdor qilib qo`ygan.
Mehnat migrantlarining hujjatlarini olib berish maqsadida vakolatxona xodimlari Pesochnoe tumani polisiya bo`limi bilan aloqa o`rnatgan. Natijada fuqarolarning pasporti, patenti va migrasion kartasi polisiya xodimlari hamkorligida olib berildi.
