Mazkur holat Bosh prokuratura huzuridagi Departamentning Mirzacho`l tuman bo`limi tomonidan tadbirkorlik sub`ektlarining huquqlarini himoya qilish yuzasidan o`tkazilgan tergovga qadar tekshiruvda aniqlandi.
Qayd etilishicha, “M-M." MChJning ish yurituvchisi ushbu korxonaga avtomobillarga texnik xizmat ko`rsatish uskunalarini xarid qilish uchun ajratilgan 260 mln so`m kredit evaziga qishloq xo`jaligi texnikalari ehtiyot qismlarini xarid qilib, ehtiyot qismlarni boshqa fuqarolarga sotib yuborgan.U o`zganing juda ko`p miqdordagi mulkini o`zlashtirishga uringan.
Hozirda unga nisbatan Jinoyat kodeksining 167-moddasi (o`zlashtirish yoki rastrata yo`li bilan talon-toroj qilish) bilan jinoyat ishi qo`zg`atilib, tergov harakatlari o`tkazilayotgani aytilmoqda.
