Ayni vaqtda Buxoro shahridagi "Sahid Zarafshon" mehmonxonasida «O`zbekiston kambag`allikni qisqartirish xalqaro forumi» o`z ishini boshladi. Bu haqda Buxoro viloyati hokimligi xabar qildi.
Ma`lum qilinishicha, ilk bor o`tkazilayotgan ushbu anjuman O`zbekiston iqtisodiy forumi doirasida tashkil etilmoqda. Forumda 250 dan ortiq mahalliy va xorijiy ekspertlar va halqaro tashkilotlar vakillari ishtirok etmoqda.
"Bugungi forum O`zbekistonda islohotlarning yangi bosqichida kambag`allikni qisqartirish mavzusini muhokama qilish va tajriba almashish maqsadida xalqaro tashkilotlar, hamkor davlatlar hamda dunyoning taniqli olim va ekspertlarini yagona muloqot platformasiga jamlangani bilan muhim ahamiyat kasb etadi", - dedi Bosh vazir o`rinbosari Jamshid Qo`chqorov Forum ochilishida.
Shuningdek, Anjuman doirasida so`z olgan Buxoro viloyati hokimi Botir Zaripov ishtirokchilarni samimiy qutlab, forum ishiga muvaffaqiyat tiladi.
Shuningdek, viloyat rahbari viloyatda kambag`allikni qisqartirish bo`yicha olib borilayotgan ishlar samaradorligiga ham to`xtaldi.