Davlat test markazi tomonidan joriy yil boshida oliy ta`lim muassasalarining bakalavriat ta`lim yo`nalishlariga kirish test sinovlari formatidagi diagnostik test xizmati yo`lga qo`yilgan edi.
Mazkur xizmat orqali talabgorlarning bilimi sinovdan o`tkaziladi va ularga test materiallari bilan ishlash ko`nikmasi shakllantiriladi.
Davlat test markazining ma`lum qilishicha, test sinovlariga qisqa vaqt qolgani sababli my.dtm.uz sayti orqali diagnostik test materiallariga buyurtmalarni qabul qilish 30 may kuni soat 10:00 da ushbu xizmat fakoliyati yakunlanadi.
Ammo e-DTM tizimi ishlashda davom etadi va talabgorlar @e_dtm_bot telegram boti orqali test materiallariga onlayn buyurtma berishlari mumkin.
