Vazirlar Mahkamasining tegishli qaroriga kiritilgan o`zgarishlarga muvofiq, tovar va xizmatlarini elektron tijorat platformalari (Marketpleys) orqali realizasiya qiluvchi tadbirkorlar uchun savdo operasiyasini elektron shaklda Davlat soliq qo`mitasiga yuborgan holda, fiskal belgili chekni to`g`ridan-to`g`ri shakllantirish imkoni yaratildi.
Mazkur qarorga asosan, Davlat reestriga kiritilmagan Marketpleysdan foydalanishga yo`l qo`yilmaydi.
Marketpleyslarni davlat reestriga kiritish uchun Ariza bilan Davlat soliq qo`mitasiga murojaat qilinadi.
Arizaga (havola) kuyidagi hujjatlar ilova qilinishi lozim:
- Marketpleys dasturiy mahsulotining texnik va funksional tavsiflariga muvofiqligi yuzasidan fiskal ma`lumotlar operatorining xulosasi;
- Shakllantirilgan elektron kassa cheklari namunalari;
- Marketpleys tizimining etalon elektron namunasi (APK va URL website);
- Marketpleysning texnik va funksional tavsiflari batafsil ko`rsatilgan texnik pasport (yoki unga tenglashtirilgan hujjat) hamda kafolat majburiyatlari.
- Shuningdek, arizada marketpleysning sall-markazi telefon raqami ko`rsatiladi.
Qayd etilishicha, soliq organlarining axborot tizimlari bilan integrasiya qilinishini ta`minlash bo`yicha qonunchilikda belgilangan talablarning yoki tartiblarning buzilishi holatlari, huquqbuzarga nisbatan:
- Soliq kodeksing 227-1-moddasiga asosan moliyaviy sanksiya;
- MJtKning 175-moddasi 6-qismiga asosan ma`muriy jarima solinishiga sabab bo`ladi.
Mazkur jarimalar Qonunga muvofiq, 2022 yil 12 iyundan boshlab kuchga kiradi.
Ma`lum qilinishicha, axborot tizimlarini to`g`ri integrasiya qilish borasida yuzaga kelishi mumkin bo`lgan masalalar bo`yicha tegishli tushuntirishlar beriladi va amaliy yordamlar ko`rsatiladi.
Murojaat uchun: +998 71 202-32-32 (ichki: 538, 541, 551).
