COVID-19 ning kelib chiqishi sirligicha qolmoqda, deb yozmoqda "New York Times" JSST ishchi guruhining birinchi hisobotini tahlil qilib.
Qayd etilishicha, ishchi guruh o`z tadqiqotini amalga oshirmagan, balki mavjudlarini o`rgangan. Ushbu xulosalar bir necha oy avval kutilgan edi.
Mutaxassislar koronavirusning laboratoriyadan kelib chiqish nazariyasini o`rganishni davom ettirishni tavsiya qilishdi. Shu bilan birga, "Vashington Post"ning aniqlik kiritishicha, hisobotda koronavirusning laboratoriyadan kelib chiqish gipotezasini qo`llab-quvvatlovchi yoki rad etuvchi yangi ma`lumotlar mavjud emas.
Nashrning yozishicha, Braziliya, Xitoy va Rossiyadan kelgan guruh a`zolari «laboratoriyadan sizib chiqish» nazariyasini yana bir bor tekshirish chaqiriqlariga qarshi chiqqan.
