Vazirlar Mahkamasining 2022 yil 8 iyundagi 317-son qarori asosida my.gov.uz portalida "Bolalar sog`lig`iga zarar etkazuvchi axborotdan himoya qilish bo`yicha ekspertlarni akkreditasiya qilish" xizmati ishga tushirildi.
Endilikda bolalar sog`lig`iga zarar etkazuvchi axborotdan himoya qilish sohasi ekspertlari akkreditasiyadan o`tish uchun elektron ariza berish imkoniyatiga ega bo`ldilar.
Talabgorlar oliy ma`lumotga, pedagogika, yoshga oid psixologiya va fiziologiya, bolalar psixiatriyasi sohalarida bilimlarga (diplom yoki sertifikatga) ega bo`lishi kerak.
Xizmatdan foydalanishda to`lov undirilmaydi.
Ekspertlarni akkreditasiya qilish O`zbekiston Respublikasi Prezidenti huzuridagi Axborot va ommaviy kommunikasiyalar agentligi tomonidan amalga oshiriladi.
Akkreditasiyadan muvaffaqiyatli o`tgan ekspertlarga guvohnoma beriladi.
Guvohnomaning amal qilish muddati – 5 yil.
