Viloyat hokimlariga ham o`z hududida eksportchilar sonini oshirish va yangi laboratoriyalar ochish bo`yicha dastur qabul qilish topshirildi. Bu haqda prezident matbuot kotibi xabar qildi.
Investisiya vazirligiga:
- xalqaro sertifikasiya talablarining ichiga kirib, qaysi laboratoriyani modernizasiyalash va qaysi standartni o`zgartirish kabi masalalarni hal qilish;
- yil yakunigacha tekstil, elektrotexnika, agro va oziq-ovqat sanoati bo`yicha 27 ta xalqaro ko`rgazmada ishtirok etib, kamida 100 tadan eksportchilarni Evropa bozoriga olib chiqish topshirildi.
Texnik tartibga solish agentligi yil yakuniga qadar xalqaro standartlar joriy qilingan korxonalar sonini 3 baravar oshirib, 1 ming 200 taga etkazishi shartligi ko`rsatib o`tildi.
Ushbu korxonalarda Evropaning 1,5 mingta standartlari joriy etiladi. Bu orqali, har bir korxona xalqaro laboratoriya xulosalari uchun 1 milliard so`m iqtisod qilib, eksportga ketadigan vaqti 3 haftagacha qisqaradi.
Bundan tashqari, agentlikka 121 ta laboratoriya xulosalarini xalqaro standartlarga moslashtirib, kamida 100 ta davlatda tan olinishini ta`minlash topshirildi.
O`simliklar karantini va himoyasi agentligiga:
- Qishloq xo`jaligi vazirligi va viloyat hokimlari bilan birga meva-sabzavot etishtirilayotgan 200 ming gektar maydonni xalqaro talablarga moslashtirish;
- yil yakunigacha 249 ta meva-sabzavot klasterlari bilan ishlab, xalqaro bozorlarga eksport qiladigan korxonalar sonini 400 tagacha oshirish topshirildi.
Yil yakunigacha 13 ta hududiy agrokimyo laboratoriyani jihozlashga 10 million dollar yo`naltiriladi.
Veterinariya qo`mitasiga viloyat hokimlari bilan birga yil yakuniga qadar chorvachilik mahsulotlarini eksport qiluvchilar sonini 1,5 baravarga oshirib, 700 taga etkazish topshirildi.
Sanitariya-epidemiologik osoyishtalik xizmatiga viloyat markazlaridagi 14 ta laboratoriyani xalqaro akkreditasiyadan o`tkazish vazifasi qo`yildi.
Bojxona qo`mitasiga 1 oktyabrgacha eksport, import va tranzit bo`yicha barcha sertifikat va ruxsatnomalarni “Yagona darcha” orqali yuritishni yo`lga qo`yish topshirildi.
Yig`ilish yakunida mutasaddilarning hisoboti eshitildi.
