Bugun Prezident Shavkat Mirziyoev poytaxtimizda yangidan barpo etilgan Bolalar gematologiyasi, onkologiyasi va klinik immunologiyasi markazida yaratilgan sharoitlar bilan tanishadi. Bu haqda prezident matbuot xizmati xabar bermoqda.
Shuningdek, davlat rahbari onkogematologik yordam sohasida amalga oshirilayotgan ishlar va erishilgan natijalar, onalik va bolalik muhofazasini yanada takomillashtirish hamda tibbiyot xodimlari bilan o`tkazilgan muloqotda berilgan topshiriqlar ijrosining borishi yuzasidan yig`ilish o`tkazadi.
