Kuni kecha “O`zbeknavo” estrada birlashmasi tomonidan “Faoliyatning ayrim turlarini lisenziyalash to`g`risida”gi O`zbekiston Respublikasi Qonunining 23-moddasi hamda O`zbekiston Respublikasi Vazirlar Mahkamasining 2015 yil 9 dekabrdagi 354-son Qaroriga asosan 2016 yil 19 iyuldan Sarvar va Komil hamda Sitora Farmonovalarning lisenziyalari tugatilganligi haqida xabar bergandik.
Ushbu rasmiy xabar yuzasidan Sayyod.com nashri “Benom” guruhi yigitlari va “O`zbeknavo” rasmiylari bilan bog`lanib javob oldi.
– Bu xaqida mana sizdan xozir bildik. Hayratdamiz! Chetga chiqish bilan bog`liq ishlar so`nggi payt judayam murakkablashgandek lekin biz xamisha chetga chiqayotganda rasman “O`zbeknavo”ga aytganmiz va yozib berganmiz. Qozog`istonda konsert uyushtirish masalasida “O`zbeknavo”ga murojaat qilinganida, chetga chiqishni tartibga soladigan mas`ul xodim Azamat Nurmatov ushbu konsertni tashkilotchilari rasmiy xat bilan murojaat qilishlarini so`radi. Tashkilotchilar yuridik shaxs bo`lmaganini tushuntirsak xam ko`nishmadi. Keyin tashkilotchilar firma orqali chiqib rasmiy xat va undagi muxri bilan murojaat qilishganida esa “O`zbeknavo” rad javobini berdi. Biz oldindan konsert gonorarini olganimiz uchun konsertni bekor qila olmadik va borishga majbur bo`ldik. Moskvadan tashkilotchilar konsert bo`yicha murojaat qilganida esa Azamat Nurmatov yanada qiyin shart qo`ydi, ya`ni elchixonadan ruxsat olish kerak deb.
“Benom” guruxi ma`muri Bahrul:
– Xullas elchixonamizga Moskvadan tashkilotchilar murojaat qilganida elchixonadagilar bunday tartibdan xabarimiz yo`q deyishgan. Keyin Qozog`iston bilan bog`liq xujjatlarda qanday talablar qo`yilgan bo`lsa shularni amalga oshirishni boshladik. Azamat Nurmatov murojaatni firmaning maxsus blankasidagi turini talab qildi, uni xam berilganida konsert zali manzili, qaysi tumanda joylashgani va avval u erda kimlar konsert bergani xaqidagi ma`lumotlarni yozib Rossiyadagi elchixonamizga taqdim etishni so`radi. Mana shu xammasini elchixonaga taqdim etilganida esa elchixona xodimlari “Biz konsert tashkilotchilari emasmiz, biz elchixonamiz” deyishdi.
“O`zbeknavo” konsertga kimlar kirishi, kimlar uchun tashkil qilinishi hamda firma emas davlat tashkiloti konsertni tashkillashtirishi kerak deyishdi. Xususiy firmani konsert tashkillashtirishga ruxsat yo`q ekan va Rossiya madaniyat vazirligi tashkillashtirishi kerak ekan. Biz hayratdamiz, Rossiya madaniyat vazirligiga bu qiziq emasku. “O`zbeknavo”ni talab qilingan hujjatlar ro`yxatiga konsert zalini planirovkasigacha kiritildi... kadastr.. Ohir oqibat konsert kuniga ozgina qolganida konsertni bekor qilishga majbur bo`ldik. Chiptalarni pulini qaytarish va shu baxona aylanib kelish uchun Moskvaga bordik. U erda Sarvarni yaqin do`sti tungi klub ochgani munosabati bilan uni ochilishiga taklif etdi va biz u erda 3-4ta ashula bilan xizmatda bo`ldik. Chet elga chiqayotgan boshqa xamma san`atkorlarni konsertlarini o`sha erdagi madaniyat vazirliklari tashkillashtirayotganmikin qiziq...
YaNA BIR E`TIROZ
Komil: -Sarvar va Komil “Benom” guruhidagi ikki xonanda har bir xizmatdan ikkisiga bir gonorar olsayu, lekin lisenziyaga ikki kishi alohida pul to`lab olsa biz qanday qilib tashkilotchilarga har ikkisiga aloxida pul to`langlar deya olamiz? Bunaqada yakkaxon xonandalar qulay bo`lib bora-bora guruxlar yo`qolib ketadiku. Guruhlar uchun qandaydir bir engilik va chegirmalar bo`lishi kerak nazarimda.
06.11.2019, 12:06
Zoxirshoh Jo`raev "Milliy" telekanalining "Nishondasiz" ko`rsatuvida ishtirok etib, oilaviy mish-mishlarga nuqta qo`ydi...Ko`rsatuv davomida boshlovchi Zoxirshohdan Botir Qodirov Sherali Jo`raevning farzandi ekani haqidagi mish-mishlarga oydinlik kiritishini...14.08.2017, 12:34
Aktrisa Sitora Alimjonova 8 avgust kuni turmushga chiqdi. Uning to`yi Tailandning Pxuket orolida bo`lib o`tdi.Sitora o`z intervyularida turmush o`rtog`ining 27 yoshda ekanligini va u tadbirkorlik...20.07.2017, 16:31
U irodali ayol. Tabassumi ortiga yashirilgan haqiqatlarni o`zgalarga bildirmaydi. Gohida ko`zlari yoshlanib, kipriklariga engil titroq kirishi mumkin, ammo shunda ham o`zida kuch topib, yana tabassum...12.07.2017, 21:32
Endilikda xonandalar “O`zbekkonsert” davlat muassasasiga qo`shiqlarni jonli ijroda kuylash orqali taqdim etadilar. O`zbekiston Respublikasi Prezidenti virtual qabulxonasiga lisenziya olish tartibi yuzasidan turli savol va takliflar...