Ijtimoiy tarmoqlarda “Qo`shrabot tumanidagi maktabgacha ta`lim muassasalaridan birida hodimlar bir-birlarini "krujka" bilan urib boshini yorishdi” sarlavhasi ostida video tarqaldi.
Holat yuzasidan Samarqand viloyati IIB matbuot xizmati ma`lumot taqdim etdi.
Ma`lum qilinishicha, 2022 yilning 1 iyul kuni Qo`shrabot tumanidagi maktabgacha ta`lim muassasalaridan birining mudirasi Ch.A. hamda shu muassasa metodisti E.G.lar o`rtasidagi kelishmovchilik natijasida janjal yuzaga kelgan. Janjal davomida Ch.A., E.G.ning boshi qismiga bakal bilan urib, tan jarohati etkazgan.
Mazkur holat yuzasidan joriy yilning 02 iyul kuni Qo`shrabot tumani IIB huzuridagi Tergov bo`limi tomonidan O`zbekiston Respublikasi Jinoyat kodeksining 109-moddasi 2-qismi bilan jinoyat ishi qo`zg`atilib, tergov harakatlari olib borilmoqda.
