“O`zbekneftgaz” AJ Boshqaruv raisi Mehriddin Abdullaev boshchiligidagi “Ishchi guruh” a`zolari tomonidan Ustyurt gaz qazib chiqarish boshqarmasida tabiiy gaz qazib chiqarilishi holatini o`rganish ishlari davom etmoqda.
“O`zbekneftgaz” AJ Boshqaruv raisi “Ishchi guruh” Ustyurt gaz qazib chiqarish boshqarmasida yangi maydonlarda uglevodorodlar zaxirasini oshirish, konlarda tabiiy gaz qazib chiqarishni ko`paytirish va texnologik ob`ektlarni qurish bo`yicha olib borilayotgan ishlarni joyida chiqqan holda o`rgandi.
Navbatdagi kungi o`rganish ishlarida, Boshqaruv raisi tashrifi marshruti “Quyi Shimoliy Berdax” 4-sonli (GRR) qudug`ida olib borilayotgan burg`ilash ishlari, “Inam” 16-sonli (KRS) qudug`ida olib borilayotgan ta`mirlash ishlari,
“Shimoliy Berdax 110-, 111-, 112 - sonli (ekspl.) quduqlarining burg`ilash jarayonlarini ko`zdan kechirish, “Shimoliy Berdax” 13-, 14-, 59-, 67-sonli (KRS) qudug`larda olib borilayotgan ta`mirlash ishlari, “Sharqiy Berdax” 5-, 44-, 59-sonli (KRS) qudug`larda olib borilayotgan ta`mirlash ishlari, “Quyi Sharqiy Berdax” 4- (GRR), 10-, 12-sonli (OE) qudug`larda olib borilayotgan burg`ilash jarayonlari, “Shag`irlik” 2-sonli (KRS) qudug`ida olib borilayotgan ta`mirlash ishlarini holatini o`rganishga qaratildi.
Dastlab, Ustyurt regionida uglevodorodlar zaxirasini o`stirish Dasturi doirasida olib borilayotgan geologik qidiruv burg`ilash ishlarini nazorat qilish maqsadida “Sharqiy Arslon” maydonidagi 1-sonli va murakkab ta`mirlanayotgan “Arslon” konidagi 30-sonli quduq tubini chuqurlashtirish bo`yicha olib borilayotgan ta`mirlash ishlari joyidan o`rganildi.
Shundan so`ng, “Quyi Sharqiy Berdax” konidagi 4-sonli izlov qidiruv quduqlarida olib borilayotgan burg`ilash ishlari bilan yaqindan tanishildi hamda zaxiralarni o`stirish borasidagi ishlarni jadallashtirish bo`yicha tegishli mutaxassislarga ko`rsatmalar berildi.
“Shimoliy Berdax” konidagi 110-,111-,112-sonli, “Quyi Sharqiy Berdax” konidagi 10-,12-sonli qazib chiqarish quduqlaridagi burg`ilash ishlari bilan tanishildi.
Mukammal ta`mirlanayotgan “Shimoliy Berdax” 13-sonli, “Sharqiy Berdax” konidagi 44-,59-sonli quduqlar holati “Ishchi guruh” tomonidan tahlil qilindi.
O`rganishlar davomida quduqlarni burg`ilash va mukammal ta`mirlash ishlarini olib borayotgan pudratchi tashkilotlar bilan mavjud muammoli masalalar muhokama qilinib boshqarma va tegishli departament boshliqlariga ishlarni tezlashtirish bo`yicha vazifalar belgilab berildi.
Boshqaruv raisi ishchi-xodimlarning taklifiga binoan ular bilan birgalikda tushlik qilib, shu jarayonda ularning ovqatlanish sharoitlari bilan ham yaqindan tanishdi.
Shundan so`ng, “Arslon” konida joylashgan Shtabda “Ishchi guruh” a`zolari va pudratchi tashkilotlar ishtirokida Ustyurt regionida olib borilayotgan ishlar bo`yicha taqdimot o`tkazildi.
Taqdimotda:
- Ustyurt regionida olib borilayotgan izlov qidiruv ishlari holati bo`yicha Geologiya departamenti boshlig`i A.Gadoev “O`zbekgeofizika” AJ boshqaruv raisi R.Yusupjonov hisoboti tinglandi.
- Regionda quduqlarni burg`ilash ishlari holati bo`yicha Burg`ilash ishlarini muvofiqlashtirish departamenti boshlig`i E.Mamatov va “O`zneftgaz burg`ilash ishlari” MChJ direktori U.Amanovlarning hisoboti tinglandi.
- Konlarni geologik va gidrodinamik modellashtirish, texnologik rejim buyicha ishlatish va yangi quduqlarni burg`ilash o`rnini va mukammal ta`mirlashga quduq tanlash borasida joriy yilning etti oyida bajarilgan va 2022 yil oxirigacha uglevodorodlarni qazib chiqarish prognoz ko`rsatkichlarini bajarilishi uchun rejalashtirilgan chora-tadbirlar bo`yicha Konlarni ishlatish departamenti boshlig`i S.Mallaev va Ustyurt gaz qazib chiqarish boshqarmasi bosh geologi B.Kdirovlar taqdimoti tinglandi.
- Ustyurt regionida olib borilayotgan loyihalashtirish ishlari va yangi infrastruktura qurilishi bo`yicha “UzLITIneftgaz” AJ Boshqaruv raisi U.Nazarov va Ustyurt GQCh boshqarmasi bosh muhandisi Z.Radjabor so`zga chiqdi.
- 2022 yil etti oyligida bajarilgan va yil yakuni bilan bajariladigan quduqlarni mukammal ta`mirlash ishlari bo`yicha “O`zneftgazquduqta`mirlash” AJ bosh direktori R.Qudratov hisobot berdi.
- Shundan so`ng 2022 yilda “O`zbekneftgaz” AJ bo`yicha olib boriladigan geologo-texnik tadbirlarni ishlab chiqish va monitoringini yuritish bo`yicha jalb qilingan “Shlyumberje” (dunyoning etakchi neftservis kompaniyasi) kompaniyasi mutaxassislari A.Safronov va A.Kuvanishev Ustyurt regioni bo`yicha seysmik va petrofizik ma`lumotlarini qayta interpritasiya qilish bo`yicha xisoboti tinglandi.
Yig`ilish yakunida “O`zbekneftgaz” AJ Boshqaruv raisi Mehriddin Abdullaev Ustyurt regionida olib borilayotgan ishlarni jadallashtirish va 2022 yil yakuni bilan belgilangan reja ko`rsatkichlarini bajarish hamda ustuvor vazifalar bo`yicha aniq ko`rsatmalar berdi.
