Shavkat Mirziyoev Evropada xavfsizlik va hamkorlik tashkilotining oliy komissari bilan muloqotda bu bo`yicha kelishuvga erishdi.
Davlat rahbari matbuot xizmatining xabariga ko`ra, ikki tomonlama uchrashuvda amaliy hamkorlikni yo`lga qo`yish masalalari hamda millatlararo totuvlik va barqaror taraqqiyotni ta`minlash sohasida qo`shma loyiha va dasturlarni amalga oshirish istiqbollari ko`rib chiqildi.
Ta`kidlanishicha, Evropada xavfsizlik va hamkorlik tashkilotining (EXHT) Milliy ozchiliklar masalalari bo`yicha Oliy komissari Qayrat Abdurahmonov O`zbekistonda bag`rikenglik va gumanizm madaniyatini rivojlantirish, millatlararo va fuqarolararo anglashuv va totuvlikni ta`minlash, shu asosda yosh avlodni tarbiyalash bo`yicha olib borilayotgan siyosatga yuksak baho bergan.
"O`zbekistonning Markaziy Osiyo mintaqasida do`stlik, yaxshi qo`shnichilik va ko`p qirrali sheriklik munosabatlarini mustahkamlash, Afg`onistonning tinch rivojlanishi va iqtisodiy tiklanishiga ko`maklashish borasidagi tashabbuslari qo`llab-quvvatlandi.
Qator qo`shma tadbirlar – milliatlararo totuvlik masalalari bo`yicha mintaqaviy seminar, xalqaro tajriba va EXHT tavsiyalarining taqdimotini o`tkazish, shuningdek, O`zbekiston delegasiyasining millatlararo munosabatlar muammosiga bag`ishlangan davra suhbatida ishtirok etishi yuzasidan kelishuvlarga erishildi.
Ko`p tilli ta`lim sohasida, shu jumladan Markaziy Osiyo ta`lim dasturi doirasida loyihalarni amalga oshirish ham ko`zda tutilgan",-deyiladi xabarda.
