Ўзбекистон делегацияси миллатлараро муносабатлар муаммосига бағишланган давра суҳбатида иштирок этади

СИЁСАТ 02.08.2022, 21:45
Ўзбекистон делегацияси миллатлараро муносабатлар муаммосига бағишланган давра суҳбатида иштирок этади

Шавкат Мирзиёев Европада хавфсизлик ва ҳамкорлик ташкилотининг олий комиссари билан мулоқотда бу бўйича келишувга эришди.

Давлат раҳбари матбуот хизматининг хабарига кўра, икки томонлама учрашувда амалий ҳамкорликни йўлга қўйиш масалалари ҳамда миллатлараро тотувлик ва барқарор тараққиётни таъминлаш соҳасида қўшма лойиҳа ва дастурларни амалга ошириш истиқболлари кўриб чиқилди.

Таъкидланишича, Европада хавфсизлик ва ҳамкорлик ташкилотининг (ЕХҲТ) Миллий озчиликлар масалалари бўйича Олий комиссари Қайрат Абдураҳмонов Ўзбекистонда бағрикенглик ва гуманизм маданиятини ривожлантириш, миллатлараро ва фуқаролараро англашув ва тотувликни таъминлаш, шу асосда ёш авлодни тарбиялаш бўйича олиб борилаётган сиёсатга юксак баҳо берган.

"Ўзбекистоннинг Марказий Осиё минтақасида дўстлик, яхши қўшничилик ва кўп қиррали шериклик муносабатларини мустаҳкамлаш, Афғонистоннинг тинч ривожланиши ва иқтисодий тикланишига кўмаклашиш борасидаги ташаббуслари қўллаб-қувватланди.

Қатор қўшма тадбирлар – миллиатлараро тотувлик масалалари бўйича минтақавий семинар, халқаро тажриба ва ЕХҲТ тавсияларининг тақдимотини ўтказиш, шунингдек, Ўзбекистон делегациясининг миллатлараро муносабатлар муаммосига  бағишланган давра суҳбатида иштирок этиши юзасидан келишувларга эришилди.

Кўп тилли таълим соҳасида, шу жумладан Марказий Осиё таълим дастури доирасида лойиҳаларни амалга ошириш ҳам кўзда тутилган",-дейилади хабарда.

Шарҳлар

Об-ҳаво: Тошкент
Валюта курси
1